Մարտի 11-ին Բրյուսել քաղաքում տեղի ունեցավ Եվրոպայի հանրային ծառայությունների արհմիության (EPSU) Պետական և եվրոպական ինքնակառավարման մշտական հանձնաժողովի 63-րդ նիստը, որին մասնակցեց Հայաստանի պետիմնարկների, ՏԻՄ-երի աշխատողների արհմիության նախագահ Անահիտ Ասատրյանը, ով հանձնաժողովի անդամ է։
Հանձնաժողովին քննարկվեց և ընդունվեց 2024-2029 թվականների աշխատանքային պլանը։
Նիստի քննարկման առարկաներից էր սոցիալական երկխոսությունը։ Մասնավորապես, կենտրոնական կառավարման համակարգում թվայնացման մասին կոլեկտիվ պայմանագիրը, սոցիալական երկխոսության մասին պակտը, սոցիալական գործընկերների (EUPAE և TUNED) հետ համաձայանեցվող գործողությունների ծրագիրը։
Քննարկվեց Եվրահանձնաժողովի կողմից տարվող ապակարգավորման քաղաքականությունը և դրանից բխող վտանգները, աջականության աճն ու դրա դեմ հնարավոր պայքարը, լավ կառավարման հիմնախնդիրները և այլն։
Կանադայի արհմիություններից հրավիրված ներկայացուցիչն էլ պատմեց Կանադայում հեռավար աշխատանքի ռեժիմը պահպանելու համար տարվող արշավի մասին։
