Դեկտեմբերի 14-ին Հայաստանի արհմիությունների կոնֆեդերացիայի նախագահությամբ հրավիրվեց Հանրապետական եռակողմ հանձնաժողովի նիստ։ Թեպետ Հայաստանի գործատուների հանրապետական միության ներկայացուցիչների բացակայությամբ պայմանավորված քվորում չապահովելու պատճառով նիստը չկայացավ, տեղի ունեցավ Կառավարության և արհմիությունների ներկայացուցիչների մինչև քննարկում։ Քննարկնման օրակարգում էին “Հայաստանի Հանրապետության աշխատանքային օրենսգրքում լրացում և փոփոխություններ կատարելու մասին”, “”Արհեստակցական միությունների մասին” օրենքում փոփոխություններ և լրացումներ կատարելու մասին”” և “Հայաստանի Հանրապետության քաղաքացիական դատավարության օրենսգրքում լրացում կատարելու մասին” օրենքների նախագծերի քննարկումը:
Նիստին մասնակցում էր Հայաստանի պետհիմնարկների, ՏԻՄ-երի աշխատողների արհմիության նախագահ, Հանրապետական եռակողմ հանձնաժողովի անդամ Անահիտ Ասատրյանը։
Ավելի վաղ ՀՀ աշխատանքի և սոցիալական հարցերի նախարարության կողմից շրջանառվել էր “Արհեստակցական միությունների մասին” ՀՀ օրենքում փոփոխությունների կատարելու մասին նախագիծը։ Քննարկման ընթացքում ներկայացվեցին օրենսդրական նախագծերի վերաբերյալ արհմիությունների առաջարկներն ու դիրքորոշումները։
