Դեկտեմբերի 8-9-ը Երևան Փլեյս հյուրանոցում տեղի ունեցավ Աշխատանքի միջազգային կազմակերպության և Հայաստանի արհմիությունների կոնֆեդերացիայի կողմից համատեղ կազմակերպված կլոր սեղան – հանդիպումը, որի ընթացքում ԱՄԿ ներկայացուցիչների կողմից ներկայացվեցին վերջերս հիմնարար դարձած ԱՄԿ երկու կոնվենցիաները՝ Աշխատանքի անվտանգության և առողջ աշխատանքի վերաբերյալ։
Ներկայացվեցին կոնվենցիաների կարևորությունը, ՀՀ կողմից դրանց վավերացման և ներդրման անհրաժեշտությունը, ինչպես նաև ԱՄԿ-ի կառավարության հաշվետվողականության և վավերացման աջակցության գործիքները։
Հանդիպման երկրորդ օրը ներկա էր ՀՀ աշխատանքի և սոցիալական հարցերի փոխնախարար Ռուբեն Սարգսյանը․ հնարավորություն ընձեռնվեց սոցիալական գործընկերների միջև ծավալել քննարկումներ՝ ՀՀ սոցիալական երկխոսության իրավիճակի վերաբերյալ։
Մասնավորապես, Հայաստանի պետհիմնարկների, ՏԻՄ-երի աշխատողների արհմիության նախագահ Անահիտ Ասատրյանը խոսեց պետական համակարգի աշխատողների (քաղաքացիական և համայնքային ծառայողների) համար ոլորտային մակարդակով սոցիալական գործընկերության բացակայության, ինչպես նաև պետական պաշտոնյաների կողմից արհմիության իրավունքների հաճախակի և համակարգային խախտումների մասին։
Հայաստանի պետհիմնարկների, ՏԻՄ-երի աշխատողների արհմիության աշխատակից Արսեն Իգիթյան ը ներկայացրեց ԱՄԿ աջակցությամբ կատարված հետազոտությունը, որի նպատակն էր բացահայտնել ճգնաժամերի ազդեցությունը աշխատողների վրա, ինչպես նաև գնահատել Հայաստանի արհմիությունների մարտահրավերներն ու կարիքներն, ու առաջարկել արհմիությունների կարողությունների զարգացմանն ուղղված քայլեր։
