Հունիսի 18-ին տեղի ունեցավ “Գործընկերություն հանուն բաց հասարակության” նախաձեռնության և Հայաստանում Եվրոպական Միության պատվիրակության գրասենյակի կողմից կազմակերպված հերթական հանդիպումը, որոնց ընթացքում ներկայացվում են ՀՀ-ԵՄ միջև Համապարփակ և ընդլայնված գործընկերության համաձայնագրի (ՀԸԳՀ) քաղաքացիական հասարակության համատեղ մշտադիտարկման արդյունքներ։ Միջոցառումն արդեն չորրորդն էր միտված էր ԵՄ անդամ երկրների ներկայացուցիչների, տարբեր կառույցների և հայաստանյան քաղաքացիական հասարակության գործընկերների ուշադրությանը ներկայացնելու մշտադիտարկման արդյունքները և զարգացնելու կառուցողական ու արդյունավետ քննարկում։
Հայաստանի պետհիմնարկների, ՏԻՄ-երի աշխատողների արհմիությունից հանդիպմանը ներկա է արհմիության ներկայացուցիչ և ՀԸԳՀ քաղհասարակության հարթակի անդամ Արսեն Իգիթյանը։
Հանդիպման ընթացքում ներկայացվեցին Աշխատանքային օրենսգրքի փոփոխությունների նախագիծը, դրա վերաբերյալ քաղհասարակության դիրքորոշումը։
Արհմիության ներկայացուցիչները նույնպես հայտնեցին իրենց դիրքորոշումը, օրենսդրական նախագծի վերաբերյալ։
