Ավարտվեց ևս մեկ սեղանի թենիսի թիմային մրցույթ

Հոկտեմբերի 6-ին Հայաստանի պետհիմնարիների, ՏԻՄ-երի և հանրային ծառայությունների աշխատողների հանրապետական արհմիությունը կազմակերպեց սեղանի թենիսի թիմային հերթական մրցաշարը՝ անդամ արհեստակցական կազմակերպությունների միջև: Մրցույթը տեղի ունեցավ մայրաքաղաքի «Սպարտակ» սպորտային ակումբում: Այս տարի այն նվիրված էր Արժանապատիվ աշխատանքի համար գործողությունների համաշխարհային օրվան, ինչի մասին մեկնարկից առաջ հայտարարեց նաև հանրապետական արհմիության նախագահ Անահիտ Ասատրյանը:

Մրցույթին մասնակցում էին 9 թիմ՝

  • ՀՀ կադաստրի պետական կոմիտեից,
  • ​Խարբերդի մասնագիտացված մանկատնից,
  • ՀՀ վիճակագրական կոմիտեից,
  • ​ՀՀ պետական եկամուտների կոմիտեից
  • Մալաթիա-Սեբաստիա վ/շ ղեկավարի աշխատակազմից
  • Շենգավիթ վ/շ ղեկավարի աշխատակազմից
  • ՀՀ ՏԿԵՆ ջրային կոմիտեից
  • Երևանի քաղաքապետարանից
  • ՀՀ աշխատանքի և սոցիալական հարցերի նախարարությունից

Մրցույթի արդյունքներով առաջին հորիզոնականը իրար միջև կիսեցին ՀՀ պետական եկամուտների կոմիտեի և ՀՀ կադաստրի կոմիտեի թիմերը, և արժանացան ոսկե մեդալի: Իսկ անհատական հաշվով լավագույն խաղացող ճանաչվեց Մանուկ Խարատյանը՝ ՀՀ կադաստրի կոմիտեից:

Շենգավիթ վարչական շրջանի ղեկավարի աշխատակազմի թիմը արժանացավ բրոնզե մեդալի:

Առաջնությանը մասնակցած բոլոր թիմերը պարգևատրվեցին մասնակցության դիպլոմներով:

Մրցանակները հանձնեց ՀՀ սեղանի թենիսի ֆեդերացիայի նախագահ, Եվրոպայի առաջին չեմպիոն, սպորտի վաստակավոր գործիչ` Ֆելիքս Սարգսյանը։ Շնորհավորում ենք բոլորին: