Հոկտեմբերի 3-ին Բրյուսելում տեղի ունեցավ Եվրոպայի հանրային ծառայություների արհմիության (EPSU) Ազգային և եվրոպական պետական կառավարման մշտական հանձնաժողովի նիստը, որին մասնակցեց հանձնաժողովի անդամ Անահիտ Ասատրյանը։
Նիստի ընթացքում ընտրվեցին հանձնաժողովի համանախագահները, ընդունվեց հանձնաժողովի գործունեության հնգամյա ծրագիրը։ Քննարկվեցին աշխատանքային տեսչությունների դերը և ներկայացվեց որոշ երկրների արհմիությունների փորձը՝ աշխատանքային հարաբերությունների վերահսկողության վերաբերյալ։
Քննարկվեց նաև երրորդ կողմի բռնության (TVP — քաղաքացիների կողմից հանրային ծառայողների հանդեպ բռնության) վերաբերյալ ճյուղային կոլեկտիվ պայմանագրի բանակցությունների մասին ներկա խնդիրները և Եվրահանձնաժողովի հետ բանակակցային այլ գործընթացները։
