ՀՀ աշխատանքի և սոցիալական հարցերի նախարարի կողմից աշխատողների պարգևատրման համար նախատեսված ֆոնդն այլ նպատակով օգտագործելու միանձնյա որոշման վերաբերյալ

ՀՀ աշխատանքի և սոցիալական հարցերի նախարարի կողմից աշխատողների պարգևատրման համար նախատեսված ֆոնդն այլ նպատակով օգտագործելու միանձնյա որոշման վերաբերյալ

2020թ․ դեկտեմբերի 24-ին ՀՀ ԱՍՀՆ նախարար Մեսրոպ Առաքելյանն իր ֆեյսբուքյան էջում հետևյալ գրառումն է կատարել՝  «Աշխատանքի և սոցիալական հարցերի նախարարության ողջ անձնակազմի նախաձեռնությամբ Արցախի նախադպրոցական տարիքի երեխաներ նաջակցություն կստանան՝ որպես ամանորյա փոքր նվեր մեր աշխատակիցների կողմից։ Միջոցառումն ամբողջությամբ ֆինանսավորվել է նախարարության բոլոր աշխատակիցների դեկտեմբեր ամսվա պարգևավճարների և աշխատավարձի հավելավճարների համար նախատեսված գումարներից»։

Սակայն 2021 հունվարի 18-ին Ազատություն ռադիոկայանին նրա տրված ասուլիսից պարզ դարձավ, որ, փաստորեն, աշխատողների պարգևատրման համար նախատեսված ֆոնդը նախարարը վերը նշված նպատակով օգտագործելու որոշումն ընդունել է միանձնյա։ Ասուլիսի ժամանակ հնչել են նաև պարգևատրումների հետ կապված մի քանի խնդրահարույց արտահայտություններ։

Վերոնշյալի վերաբերյալ Հայաստանի պետհիմնարկների, ՏԻՄ-երի արհմիությունը գրություն է հղել ՀՀ աշխատանքի և սոցիալական հարցերի նախարար Մեսրոպ Առաքելյանին, որում, մասնավորապես, հայտնել է նախարարին սոցիալական գործընկերության ու ժողովրդավարական սկզբունքներին հավատարիմ մնալու անհրաժեշտության մասին, վկայակոչել է “Բյուջետային համակարգի մասին” ՀՀ օրենքը, ինչպես նաև Աշխատանքային օրենսգրքի այն հոդվածները, որոնք սահմանում են դրամական պարգևատրումները։

Հուսով ենք, որ արհմիության մտահոգությունները հաշվի կառնվեն նախարարի հետագա պաշտոնավարման ընթացքում։

Գրությանն ամբողջությամբ կարելի է ծանոթանալ այստեղ։

%d bloggers like this: