Հայաստանի պետական հիմնարկների արհմիությունը պատրաստակամություն է հայտնել մասնակցել տրանսպորտի ուղեվարձը քննարկող հանձնաժողովի աշխատանքներին

Ճյուղային հանրապետական միությունը դիմել է քաղաքապետ Տարոն Մարգարյանին տրանսպորտի ուղեվարձը քննարկող հանձնաժողովում իր ներկայացուցիչը ունենալու առաջարկով: Ճյուղային արհմիության՝ Երևանի քաղաքապետին ուղղված նամակում մասնավորապես ասվում է՝

«Հիմնվելով տրանսպորտի գնի բարձրացման հետ կապված հարցերը ուսումնասիրելու համար հանձնաժողով ստեղծելու մասին մամուլում տարածած Ձեր հայտարարությանը և հաշվի առնելով, որ Հայասատանի պետական հիմնարկների, ՏԻՄ-երի և հասարակական սպասարկման աշխատողների արհեստակցական կազմակերպությունների ճյուղային հանրապետական միության մոտ 16000 արհմիության անդամներից մեծ մասը ապրում և աշխատում է Երևան քաղաքում և ամեն օր առնչվում է հասարակական տրանսպորտի խնդիրներին` խնդրում ենք հանձնաժողովի կազմում ընդգրկել ճյուղային արհմիության նախագահ Անահիտ Ասատրյանին»: