Եվրոպայի տարբեր երկրների սոցիալական և խնամքի աշխատողները նոյեմբերի 5-ին հնարավորություն ունեցան փոխանցել իրենց մտահոգությունները Եվրոպական Խորհրդարանի պատգամավորներին։
Խնամքի աշխատողների պառլամենտական առաջին միջոցառմանը, որը կազմակերպեց Եվրոպայի հանրային ծառայությունների արհմիությունը (EPSU), մասնակցեց նաև Հայաստանի պետհիմնարկների, ՏԻՄ-երի աշխատողների արհմիության անդամ, սոցիալական աշխատող Լուսինե Ղահրամանյանը։ Աշխատողներն օրենսդիրներին փոխանցեցին իրենց աշխատանքային փորձառության մասին մարտահրավերները, կոչ արեցին համալրել հաստիքներն ու արդար վարձատրություն ապահովել ոլորտում։
Լուսինե Ղահրամանյանն իր հաղորդագրության մեջ նշում է․
«Ավելի քան տաս տարի աշխատում եմ որպես սոցիալական աշխատող Խարբերդի մասնագիտացված մանկատանն՝ աջակցելով հատուկ կարիքներ ունեցող երեխաներին, որոնք 24/7 մեր խնամքի տակ են։ Իմ օրերն անցնում են երեխաներին և նրանց ընտանիքներին սոցիալական և հոգեբանական աջակցություն տրամադրելով,որդեգրման գործընթացներով և այլ վարչական աշխատանքներով։
Այնուամենայնիվ, չնայած իմ լավագույն տարիները նվիրում եմ այս աշխատանքին, մեր ոլորտը թերֆինանսավորված է, ունենք դայակների պակաս, իսկ անձնակազմը ցածր է վարձատրվում։ Նույնիսկ աշխատանքի վայր հասնելն է դժվարություն՝ ցածրորակ տրանսպորտի պատճառով։ Երիտասարդները նախընտրում են չմնալ այս ոլորտում, իսկ մնացածներն իրենց մոռացված են զգում։ Թեպետ Հայաստանը ԵՄ անդամ չէ, բայց եվրոպական ստանդարտներն ի վերջո նաև անդրադառնում են մեր ապագայի վրա, ուստի ես կոչ եմ անում քաղաքականություն մշակողներին խնամքի և սոցիալական աշխատանքն առաջնահերթություն համարել՝ ապահովելով պատշաճ ֆինանսավորում, համալրված անձնակազմ և արժանապատվություն աշխատողների և այդ երեխաների համար, որոնց մենք մասին հոգ ենք տանում»։
Հանդիպման արդյունքում ընդունվեց 15 կետից բաղկացած բանաձև։
