Նախագահության նիստ․ 25 փետրվար, 2016

ՊԵՏՀԻՄՆԱՐԿՆԵՐԻ ԱՐՀՄԻՈՒԹՅԱՆ 85-ՐԴ ՏԱՐԵԼԻՑԸ ԿՆՇՎԻ ՀՈԿՏԵՄԲԵՐԻ 7-ԻՆ` ԱՐԺԱՆԱՊԱՏԻՎ ԱՇԽԱՏԱՆՔԻ ՀԱՄԱՐ ՊԱՅՔԱՐԻ ՕՐԸ

Ընթացիկ տարվա փետրվարի 25-ին կայացավ Հայաստանի պետհիմնարկների, ՏԻՄ-երի և հասարակական սպասարկման աշխատողների արհեստակցական կազմակերպությունների ճյուղային հանրապետական արհմիության նախագահության հերթական նիստը: Նախագահության անդամները ընթացիկ տարվա մարտի վերջին հրավիրեցին ՃՀՄ խորհրդի արտագնա նիստ` կանոնադրությամբ սահմանված կարգով: Նիստից դուրս խորհրդի անդամների համար կանցկացվի  սոցիալական երկխոսության և աշխատանքային օրենսգրքի փոփոխությունների վերաբերյալ սեմինար, կծավալվեն քննարկումներ արհմիութենական խնդիրների շուրջ, նախատեսվում է նաև խորհրդի անդամների հանդիպումը ՀԱՄԿ-ի նախագահ Է.Թումասյանի հետ:

 Նախագահության անդամների մեկ այլ որոշմամբ ընթացիկ տարվա մայիսի 1-ին կանցկացվի Աշխատանքի օրվան նվիրված ավանդական երթ արհմիության անդամների մասնակցությամբ:

 Նախագահության նիստում որոշվեց այս տարվա հոկտեմբերի 7-ին հանդիսավոր պայմաններում նշել Հայաստանում պետհիմնարկների արհմիության 85-ամյա տարելիցը: Այդպիսով կնշվի նաև Արժանապատիվ աշխատանքի համար պայքարի օրը:

 Օրակարգային հարցերի շրջանակներում նախագահությունն ամփոփեց նաև ճյուղային հանրապետական արհմիության անդամ կազմակերպությունների ֆինանսական և վիճակագրական տվյալները և այլն:

Օրակարգից դուրս քննարկվեցին այլ հարցեր ևս: