Գավառի տարածքային արհմիության խորհրդի նիստին

Հոկտեմբերի 26-ին Դիլիջանի “Հաղարծին” հյուրանոցային համալիրում տեղի ունեցավ  Գավառի պետհիմնարկների, ՏԻՄ-երի աշխատողների արհեստակցական կազմակերպությունների միության խորհրդի նիստը, որը շարունակվեց նաև հոկտեմբերի 27-ին: Երկրորդ օրը խորհրդի նիստին մասնակցեց նաև Հայաստանի պետհիմնարկների, ՏԻՄ-երի և հանրային ծառայությունների աշխատողների հանրապետական արհմիության աշխատակազմը: Հանրապետական արհմիության նախագահ Անահիտ Ասատրյանը խորհրդի անդամներին ներկայացրեց արհմիության կողմից ներկայումս տարվող աշխատանքները, եղած խնդիրները, վերջին օրենսդրական փոփոխություններն ու կառավարության նախաձեռնությունները, և դրանց վերաբերյալ արհմիության դիրքորոշումը:  Ա. Ասատրյանը պատասխանեց նաև Գավառի տարածքային միության խորհրդի անդամներին հուզող հարցերին: