Հայաստանի պետհիմնարկների, ՏԻՄ-երի և հանրային ծառայությունների աշխատողների արհեստակցական կազմակերպությունների ճյուղային հանրապետական արհմիության սպորտային միջոցառումներից հերթականը սեղանի թենիսի երկրորդ թիմային առաջնությունն էր Երևան քաղաքի անդամ կազմակերպությունների միջև:
Միջոցառումն անցկացվում էր դեկտեմբերի 15-ին մայրաքաղաքի «Սպարտակ» սպորտային ակումբում: Մասնակցում էին արհեստակցական կազմակերպությունների 8 թիմեր`
- ՀՀ ԿԱ անշարժ գույքի կադաստրի պետական կոմիտեի,
- ՀՀ վարչապետի աշխատակազմի,
- Հայաստանի պատմության թանգարանի,
- Խարբերդի մասնագիտացված մանկատան,
- ՀՀ վիճակագրական կոմիտեի,
- ԿԱ պետական գույքի կառավարման վարչության,
- ՀՀ ԿԱ պետական եկամուտների կոմիտեի,
- Երևանի թիվ 71 մանկապարտեզի
Հաղթող ճանաչվեց և ճյուղային արհմիության գավաթին արժանացավ ՀՀ ԿԱ պետական եկամուտների կոմիտեի թիմը, իսկ անհատական հաշվով լավագույն խաղացող ճանաչվեց Մանուկ Խարատյանը՝ ՀՀ ԿԱ անշարժ գույքի կադաստրի պետական կոմիտեից:
ՀՀ ԿԱ անշարժ գույքի կադաստրի պետական կոմիտեի և ՀՀ վարչապետի աշխատակազմի թիմերը արժանացան արծաթե և բրոնզե մեդալների։
Առաջնությանը մասնակցած բոլոր թիմերը պարգևատրվեցին մասնակցության դիպլոմներով:
Մրցանակները հանձնեց ՀՀ սեղանի թենիսի ֆեդերացիայի նախագահ, Եվրոպայի առաջին չեմպիոն, սպորտի վաստակավոր գործիչ` Ֆելիքս Սարգսյանը։
Շնորհավորում ենք բոլորին:
