Ճյուղային հանրապետական միության կազմակերպած շախմատի չորրորդ առաջնությունն անցկացվեց 2018 թ․ ապրիլի 22-ին Շախմատի տանը։ Շախմատի խաղատախտակների առջև իրենց ուժերը չափեցին ճյուղային արհմիության անդամ ութը կազմակերպությունների թիմեր` ՀՀ ԿԱ անշարժ գույքի կադաստրի պետական կոմիտեի, Երևանի քաղաքապետարանի, Շենգավիթ, Մալաթիա-Սեբաստիա, Արաբկիր վարչական շրջանների ղեկավարների աշխատակազմերի, «ՀՀ զբաղվածության պետական ծառայություն» գործակալության, ՀՀ ազգային վիճակագրական ծառայության, ՀՀ պետական եկամութների կոմիտեի աշխատողների արհեստակցական կամակերպությունների թիմերը:
Թիմային մրցապայքարի արդյունքում հանրապետական արհմիության գավաթին արժանացավ Արաբկիր վարչական շրջանի ղեկավարի աշխատակազմի արհմիության թիմը։ Արծաթե և բրոնզե մեդալակիրներ դարձան համապատասխանաբար ՀՀ կադաստրի պետական կոմիտեի և Ազգային վիճակագրական ծառայության աշխատողների արհմիությունների թիմերը:
Անհատական ցուցանիշներով լավագույնը Միքայել Դանիելյանն էր՝ ՀՀ ԿԱ անշարժ գույքի կադաստրի պետական կոմիտեի աշխատողների արհմիությունից։
Առաջնությանը մասնակցած բոլոր թիմերը խրախուսվեցին ճյուղային հանրապետական միության դիպլոմներով:
Շնորհավորում ենք հաղթողներին և բոլոր մասնակիցներին։
