Հակոբովա Ելենա Մելիքի՝ 2003 – 2013 թթ. Հայաստանի պետական հիմնարկների, տեղական ինքնակառավարման մարմինների և հասարակական սպասարկման աշխատողների ճյուղային հանրապետական միության նախագահ:
Ծնվել է 1940թ. մարտի 1-ին՝ Ադրբեջանական ԽՍՀ-ի Բաքու քաղաքում:
Ավարտել է Բաքվի թիվ 151 միջնակարգ դպրոցը:
1957-ին տեղափոխվել է Երևան և նույն թվականին ընդունվել է Երևանի սարքաշինական տեխնիկումի 2-րդ կուրս, որը ավարտել է 1961 թվականին և անցել աշխատանքի «Հաստոցանորմալ» գործարանում, որպես տեխնիկական բաժնի ինժեներ:
1962 թվականին ընդունվել է Երևանի պոլիտեխնիկական ինստիտուտի երեկոյան բաժին, և գործարանում աշխատելուն զուգահեռ սովորել հաշտոցաշինության տեխնոլոգիայի ֆակուլտետում: 1968 թվականին ավարտել է ինստիտուտը՝ ստանալով «ինժեներ-մեխանիկ»-ի մասնագիտությունը, որից հետո դարձել է «Հաստոցանորմալ» գործարանի տեխնոլոգիական բաժնի ավագ ինժեներ-տեխնոլոգ: 1970 թ. ընդունվել է աշխատանքի Հայկական ԽՍՀ-ի Մինխորհդի ՊետԱպ՝ որպես արտադրա-տեխնիկական ղեկավարման արտադրական բաժնի ավագ ինժեներ:
Ելենա Հակոբովան 1972 թ. հունվարին ընդունվել է աշխատանքի արհմիության հանրապետական կոմիտե, որպես գլխավոր տեխնիկական տեսուչ: 2002 թվականին ձևակերպվել է որպես աշխատանքի պաշտպանության մասնագետ: 2003 թ. ընտրվել է Հայաստանի պետհիմնարկների և հասարակական սպասարկման աշխատողների ճյուղային հանրապետական արհմիության նախագահ:
2008 թվականին կրկին ընտրվել է պետհիմնարկների, տեղական ինքնակառավարման մարմինների և հասարակական սպասարկման աշխատողների ճյուղային հանրապետական արհմիության նախագահ: Պետհիմնարկների աշխատողների և հասարակական սպասարկման աշխատողների ճյուղային հանրապետական միության 10 տարվա ղեկավարության ընթացքում Ե. Հակոբովային հաջողվել է ընդլայնել անդամ կազմակերպությունների ցանկը (ընգրկվել է նոր 12 կազմակերպություն, ընդհանուր հաշվով 2000 արհմիության անդամներով), վերականգնվել է 6 տարածքային միություն, որոնք մինչ այդ փաստացի գոյություն չունեին: Ե. Հակոբովայի նախաձեռնությամբ ճյուղային միությունը սկսեց պարբերաբար թողարկել տեղեկագրեր, որտեղ լուսաբանվում է Միության գործունեությունը: Արհմիության անդամները հնարավորություն ստացան հանգստանալ Հայաստանի հանգստյան տներում՝ արհմիութենական զեղչերով: Սկսեցին անցկացվել մայիսմեկյան աշխատանքի օրվան նվիրված լայնամասշտաբ միջոցառումներ: Լույս տեսավ պետհիմնարկների արհմիության 80-ամյակի գիրքը: 2012 թվականին առաջին անգամ Հայաստանում անցկացվեց խաղաղ երթ՝ արժանապատիվ աշխատանքի օրվա առթիվ, որը տեղի ունեցավ Հայաստանի պետհիմնարկների, տեղական ինքնակառավարման մարմինների և հասարակական սպասարկման աշխատողների ճյուղային հանրապետական արհմիության ակտիվ մասնակցության շնորհիվ:
2010 թվականին Հակոբովան արհմիութենական անդամների իրավունքների ու հետքրքրությունների պաշտպանության բազմամյա բեղմնավոր և ակտիվ աշխատանքի, ԱՊՀ արհմիությունների համագործակցության ամրապնդման համար արժանացել է ԱՀՀ-ի պատվոգրի: Իր աշխատանքային գործունեության ընթացքում բազմաթիվ անգամ արժանացել է արհմիության ԿԿ-ի, արհմիության հանրապետական կոմիտեի, ԱՄՖ-ի, ՀԱՄԿ-ի պատվոգրերի, «Ռուսաստանի արհմիությունների 100-ամյակի», «Ռուսաստանի պետհիմնարկների արհմիության 90-ամյակի», «Հայաստանի պետհիմնարկների 75-ամյակի» հոբելյանական պատվոգրերի: 2013 թվականին արժանացել է ԱՀՀ-ի արծաթե կրծքանշանի «արհմիութենական շարժմանը մատուցած ծառայության ԱՀՀ-ի կրծքանշանի»:
Ամուսնացած է, ունի երկու դուստր և չորս թոռ: